قالوا يا مصر

قالوا يا مصر فين اهلك وفين اراضيك
ورسموا لك فخ تدخلى فيه برجليك
قالوا العروبه قالوا المقاومه قالوا السلاح
وقالوا عليك الخيانه وحرفوا معنى الكفاح
والاسد قال انا موجود
فينك يا اسد وفين الجنود
فين الجولان فين السلاح
فين الرخاء اللى مش موجود
يا اهل غزه يا عروبه
اعرفوا ايه القرار
باديكو تبنوا او تهدوا باديكم انتم الاختيار
السياسه ليها ناسها والحروب هى الدمار
مش بنبله او صاروخ نهد كل اللى كان
بالعزيمه والمصابره نقدر نكون زى زمان
اختارو انتم يا اهل غزه
حضن ام وهى مصر او عدو اسمه ايران
من بعيد زعق ونادى وهو فى الاصل جبان
قال هنجرى قوام نساعد اهل غزه وجنوب لبنان
وقت الجد يا ناس ندور ولا نلاقيه فى اى مكان
واسرائيلى واخدها حجه انه مش لاقى امان

العيب فى مين فينا

المحله قامت ومن بعدها اهل سينا

واهل اسيوط قاموا وقالوا يلا بينا

ومن بعددهم تقوم الدويقه وتقول عيب علينا

عيب علينا يا زمن نسكت على حرامى فيبنا

الجبل وقع من حسرته على اراضينا

يروح الغاز لليهود وينظلم اهل سينا

وخبرا يهود فى السد اللى من الفيض حامينا

نبني السد ونشيد ونجيبهم عشان يقضوا علينا

وانا زى اى حد بصرخ واقول العيب فى مين فينا

العيب فى الزمن ولا فينا

عمل الفيشار على طريقه حكومتنا

السلام عليكم

هتستغربوا من عنوان الموضوع وهتقولوا ايه علاقه ده بده بس

انا احب اوضح لكم ان الفيشار نوعين

نوع بناكله ونوع بنأكله للناس

نبدأ بطريقع عمل الفيشار اللى بناكله احنا

1) نجيب حله حلوه كده وواسعه

2)نكب فيها شويه زيت او حتتين سمنه حلوين

3) نجيب عليهم شويه فانيليا علشان الريحه تكون جميله طبعا

4) نولع النار ونخليها عاليه شويتين لحد ما نبدأ نسمع صوت الفيشار

5) نبدأ نقلب الفيشار ازاى اننا نمرجح الحله فوق النار قوى علشان ميتحرقش طبعا

6)نجيب الفيشار بعد ما يخلص ونحط عليه شويه ملح ونتسلى باكله

جميل كده؟ اتمنى انكم تعرفوا تعملوه

هتقولى طيب يا ابو حنين ايه علاقه ده بالحكومه

هقولك ده النوع الاول اللى بنعمله احنا ونتسلى بيه

اما النوع التانى وطبعا ده اللى حكومتنا رائده فى صناعة الفيشار فى حارتنا حاره الشرق الاوسط

واللى فيها حبايبنا واتعلموا منها طريقه عمل الفيشار

هتقولى خلص ولخص علشان انا مش فاهم حاجه

هقولك مستعجلش على رزقك كله جاى حاجه حاجه

هقولك ازاى حكومتنا بتقدر تعمل فيشار يكفى 80 مليون

وازاى هتفشر لكل ده

هقولك لما حكومه توعدك بمبانى جديده لاهل العشوائيات

لما حكومتنا تقولك نمونا يعدى 7 فى الميه

ولما حكومتنا تقولنا احنا دوله محوريه فى الشرق الاوسط

ولما حكومتنا تقولنا انا مع محدودى الدخل

ولما حكومتنا تقولنا احنا عندنا تعليم صح

ولما حكومتنا تقلولنا التعليم مجانى والمدرس مخلص فى مدرسته

ولما حكومتنا تقولنا عندنا احطياتى نقدى يعدى 34 مليار

ولما ولما ولما .....

ولما تلاقى ده كله كدب

لما انت تبقى مش فاهم حاجه فى بلدك

لما تبقى مش عارف تبنى شقه

ولما تبقى مش قادر تتجوز

ولما تبقى مش قادره تلاقى عريس طبعا لان لازم يكون معاه شقه

ولما انا وانت وانت وهما نقول فين ايام زمان وياريتها تعود

رغم اللى كان زمان بيشتكى همه وبيقدر يقول لاء ومش هامه

مش بكده حكومتنا استاذه فى عمل الفيشار وبتعرف ازاى تأكله للناس

مش كده حكومتنا تبقى فشاره

دى حكايه عمل الفيشار

يا ترى هناكل فيشار عاملينه بادينا ولا هنفضل ناكل فيشار حكومتنا عاملاه لينا

مستنى رايكم بعد ما تاكلوا فيشار حكومتنا وتعزموا معاكم ولاد حارتنا

حاره الشرق الاوسط

كلمه من بعد خبر

أما الخبر فقال

القاهرة (رويترز) - أظهرت بيانات الجهاز المركزي للتعبئة العامة والاحصاء يوم الاربعاء ان أسعار المستهلكين في المدن في مصر ارتفعت 23.6 بالمئة في عام حتى أغسطس آب مقارنة مع 22.0 بالمئة في عام حتى يوليو تموز.
وأضاف ان التضخم في البلد ككل ارتفع بمعدل أسرع بلغ 25.6 بالمئة بالمقارنة مع 23.1 بالمئة في عام حتى يوليو. ويركز الاقتصاديون على مؤشر التضخم في المدن لان مؤشر التضخم في البلد ككل كان من قبل يتم تحديثه كل شهرين.
وفي أغلب اوقات العام الماضي كانت أسعار المواد الغذائية من أهم العوامل وراء ارتفاع التضخم.
في المدن ارتفعت أسعار المواد الغذائية بمعدل 30.9 بالمئة في عام حتى أغسطس أي بمعدل أسرع من أي قطاع آخر باستثناء التعليم الذي زادت تكاليفه بنسبة 38 بالمئة والفنادق والمطاعم بنسبة 45 بالمئة.
وأضرت اسعار المواد الغذائية بالفقراء بشكل خاص لانهم ينفقون نسبة أكبر من دخولهم على الغذاء.
وحاولت الحكومة التخفيف من أثر التضخم بزيادة مرتبات العاملين بالقطاع العام بنسبة 30 بالمئة اعتبارا من يوليو الماضي.

وهنا القلم قال

قالوا نموا الاقتصاد يعدى 7 فى الميه

وزودوا المرتبات فوق 30 فى الميه

قلناحلاوتك يا ريس بشغلك فى البلد ديه

راح وقال لنظيف مش عايز غنى فى البلاد ديه

زودلى سعر الاكل 200 الميه

وطوابير العيش خليها اطول شويه

!!!!!!!!!!!!

وزاد التضخم 25 الميه

حتى الحكومه باعت لنا شركه الميه

غاز وميه وبنوك تتباع ويقولوا تنميه

قامت مظاهرات واضراب من بلد المحلاويه

ولسه حال الدنيا فى بلادنا زى ما هيه

قولولى نعمل ايه فى البلد ديه

انا العربى

فى البدايه فضلت انى اكتب تلك الكلمات وهى اول كلمات لى بمدونتى واسمها انا العربى

انا العربى

انا اسف رجوعى ده بعد غياب

صوت المطر صحانى ومقدرتش حتى انام

وبخبر وقلم على الورق انا كتبت كلام

كتبت انا العربى

انا العربى دى مش اى كلام

انا العربى دى كلمه اتجسدت بالاّم

اصحوا وفوقوا واسمعوا

صوت المطر ... صوت الرصاص

صوت الشهاده فى كل مكان

فى العرا انا نايم جمبى نار تدفينى

صوت المطر على الارض يصحينى

وصوت الرصاص من فوقى مغطينى

يا عربى .... يا عربى

اصحى فوق لملم جروحى داوينى او حتى تواسينى

دانا فلسطينى

حكام العرب يسيبونى

وقعت فى حكم صهيونى

انا مناضل بالحجر والموت ده شايفه بعيونى

وحكامى وحكامى فى ايد عدوى يرمونى

وانا عراقى ....

لانا كردى ولا شيعى ..

ولا سنى ولا مسيحى

انا عراقى وبينى وبين ربى يكون دينى

اما اانا فانا المصرى من اصل فرعونى

جار عليه الزمان وفرعونى ناسينى

عايش فى حكمه وغناه وفى الجوع يرمينى

انا العربى

انا مصرى انا فلسطينى

انا عراقى انا بحرينى

انا سعودى انا ليبى

ارض الخليج ارض المحيط ارض النيل وده طينى

انا العربى

صوت المطر مصحينى